Nakatakdang magsagawa ng malaking pagtitipon ang mga tagasuporta ni Davao City Mayor Rodrigo Duterte sa Maynila.
Sa kabila ito ng anunsyo ng alkalde na hindi na ito tatakbo sa pagka-Pangulo sa 2016 elections sa halip ay magreretiro na ito sa kaniyang buhay pulitika.
Tinawag na Million March Run, Duterte Run ang pagtitipon na gagawin sa Quirino Grandstand sa Luneta sa Setyembre 15, araw ng Martes.
Layunin ng nasabing kampaniya na ipaabot kay Duterte na muli nitong ikunsidera ang pagtakbo bilang Pangulo ng bansa.
Hinimok din ng mga organizer na magsuot ng kulay asul at pulang arm band sa mga magnanais dumalo at makiisa sa nasabing pagkilos.
By Jaymark Dagala
