Maraming fans ang nag-aabang at umaasang makaka-duet muli ng international diva na si Celine Dion si Jake Zyrus.
Kasabay naman ito ng isasagawang kauna-unahang concert ni Celine dito sa Manila sa July 19 at 20.
Ayon sa mga fans ni Jake maaari kantahin ng dalawa ang awiting The Prayer.
Magugunitang, isang dekada na rin nang huling magsama sa isang performance sina Celine at Jake Zyrus na kilala pa noon bilang si Charice Pempengco.
Nangyari ang nasabing duet sa “Taking Chances World Tour” concert ni Celine noong 2008 sa Madison Square Garden sa New York, kung saan nag-standing ovation ang mga manonood sa kanilang inawit na Because You Loved Me.
Ipinakilala pa noon ni Celine si Charice bilang isang incredible young singer.
Sa naging interview kay Celine nitong unang buwan ng taon, kanyang sinabi na naaalala niya ang naging performance nila noon ni Charice at nagpahayag din ng katuwaan sa bagong buhay ngayon nito bilang Jake Zyrus.
—-
