May lead na ang Philippine National Police o PNP sa pagpaslang kay General Tinio, Nueva Ecija Mayor Ferdinand Bote.
Ito ang inihayag ni PNP Chief, Director General Oscar Albayalde sa isang press conference kaugnay sa pagpatay kina Bote, Tanauan City, Batangas Mayor Antonio Halili at Trece Martires, Cavite Vice Mayor Alexander Lubigan.
Ayon kay Albayalde, isinasantabi na nila ang anggulong pulitika sa pamamaslang may Mayor Bote.
“Of course, they will not use licensed firearms, definitely, kasi madaling i-trace yan, so yung loose firearms ay isa pang problema natin dito sa bansa natin.” Ayon kay Albayalde
Tikom naman si PNP-Criminal Investigation and Detection Unit Chief, Director Roel Obusan kaugnay sa kaso upang hindi anya mabulilyaso ang imbestigasyon.
“For police operations, there are somethings that cannot be divulge otherwise it will pre-empt the outcome, thereby obstructing yung justice na dapat maibigay, we really want to keep people calm by sating andito na pero bilang imbestigador naman kailangan mo talagang itago pa yung iba at hindi mo pa mailalabas dahil anong mangyayari sa imbestigasyon kapag hindi nakuha ng media kaagad remember may mga operations kami na nauuna ang media, then negative. Nasabi lang na may good lead na just to assure our people that your PNP is working.” Bahagi ng pahayag ni PNP-CIDG Chief, Dir. Roel Obusan
—-
