Pinaiimbestigahan ng United Nations ang airstrikes sa Syria na pinaniniwalaang kagagawan ng Russia.
Pinakahuli rito ang airstrike sa Zardana sa lalawigan ng Idlib kung saan apatnapu’t apat (44) ang nasawi kabilang ang anim na bata.
Pinuna ni UN Secretary General Antonio Guterres na kabilang ang Idlib sa de-escalation agreement sa pagitan ng Syria, Turkey, Russia at Iran.
Hinikayat ni Guterres ang mga lumagda sa kasunduan na panindigan ang kanilang pinasok na kasunduan.
—-
