Patay ang isang medical student nang matagpuan ito sa kaniyang tinutuluyang apartment sa Santa Rosa sa Laguna.
Hubo’t hubad at tadtad ng saksak sa katawan ang biktimang kinilalang si Paulo Catalla, 27-anyos.
Ayon kay Supt. Rey maclAng, pinuno ng Sta. Rosa City Police batay sa hawak nilang CCTV recording, magkasabay na pumasok sa kaniyang apartment si Catalla at ang suspek na kinilalang si Jun Francis Bertulazo, 19-anyos at estudyante ng PUP Sta.Rosa noong Biyernes ng gabi.
Ngunit mag-isa na lamang ang suspek na lumabas sa nasabing apartment noong madaling araw ng Sabado at may bitbit na bag.
Pagnanakaw ang isa sa mga tinitingnang anggulo sa pagpatay sa biktima.
Naaresto naman ang suspek habang inihahanda na ang ihahaing kaso laban dito.
Si Catalla ay pamangkin ni Philippine Consul General to Hong Kong Bernardita Catalla.
By Jaymark Dagala
