Inihatid na sa huling hantungan si dating Senate President Edgardo Angara sa kanyang home town sa Baler, Aurora kahapon.
Madamdaming sinaksihan ng naiwang pamilya ang paglilibing sa dating senador kasama ang ilang mga kaibigan at mga dating ka-trabaho.
Kabilang sa mga nakiisa sa libing ang mga senador na sina Franklin Drilon, JV Ejercito, Richard Gordon at dating kasamahan sa Senado at ngayo’y Taguig Representative Pia Cayetano.
Nangako naman ang kanyang anak na si Senador Sonny Angara na ipagpapatuloy ang magandang legasiyang sinimulan ng kanyang ama.
Namatay si Angara dahil sa heart attack noong Mayo 13 sa edad na 83.
—-
