Tinutugis na ng militar ang bagong leader ng grupong Maute-ISIS.
Kinumpirma ni AFP – Joint Task Force Ranao Deputy Commander, Col. Romeo Brawner ang teroristang si Oayda Benito Marajomsar alyas Abu Dar ang natitirang buhay na leader ng Maute.
Ayon kay Brawner, isa si Marajomsar sa mga nakita sa video ng pag-pa-plano ng Marawi Siege na tinulungan ng kanyang mga kapwa terorista upang kumuha ng reinforcement noong panahong matindi ang bakbakan.
Gayunman, hindi na ito nakabalik dahil sa matinding seguridad sa lungsod.
Kinumpirma rin ng military official na nag-re-recruit si Abu Dar ng mga nais mag-miyembro ng maute kapalit ng 70,000 Pesos na paunang bayad.
