Nananatili pa rin bilang Chief Justice si Maria Lourdes Sereno.
Ito ang inihayag ng JBC o Judicial and Bar Council sa gitna ng nakapending na motion for reconsideration ng punong mahistrado sa Supreme Court ruling kaugnay sa quo warranto petition.
Ayon kay Justice Secretary Menardo Guevarra, Ex-officio member ng JBC , hinihintay pa ng council ang final ruling ng korte suprema sa pagpapatalsik kay Sereno bago buksan ang aplikasyon at nominasyon sa pagka- punong mahistrado.
Una nang sinabi ni Sereno na kanyang ia-apela sa korte suprema ang naging desisyon ng mga kapwa niya mahistrado na nagpapawalang bisa sa kanyang ‘appointment’ bilang Supreme Court Chief Justice.
