Wala pang plano ang Department of Education na ilipat ng ibang buwan ang pagsisimula ng klase o pasukan.
Ayon kay Education Secretary Leonor Briones, nananatili pa ring Hunyo ang ideal na buwan sa pagbubukas ng klase sa mga pampublikong paaralan sa buong bansa.
Hindi aniya maaaring basta ilipat ang pasukan dahil kinakailangan pang isaayos ang silid-aralan para nakagapay sa init sakaling magkaroon pa na ng klase hanggang sa tag-init.
Samantala, binibigyan naman ng DepEd ang mga private schools ng hanggang August 4 para sa kanilang pagbubukas ng klase.
—-