Tinawag na malisosyo at walang basehan ni Health Secretary Francisco Duque the Third ang kasong isinampa laban sa kanya sa department of justice kaugnay sa kontrobersyal na dengvaxia vaccine.
Ayon kay Duque , nagulat siya nang mapasama ang kanyang pangalan sa mga sinampahan ng kasong kriminal ng isa sa mga magulang ng batang naturukan ng Dengvaxia sa pamamagitan ng public attorneys office sa doj.
Dagdag pa ni Duque , wala siyang pinirmahan na mga dokumento ukol sa Dengvaxia habang ang nagpatuloy ng immunization program na si dating Health Secretary paulyn ubial ay hindi kasama sa mga kinasuhan.
Bukod kay Duque, kasama rin sa mga bagong kinasuhan ang mga executives ng Sanofi Pasteur na siyang tagagawa ng Dengvaxia, Zuellig Pharma na siyang distributor ng nasabing bakuna at ilan sa mga dati at kasalukuyang opisyal ng DOH.
