Viral ngayon ang nakatutuwang video ng singer na si Angeline Quinto.
Ito ay dahil mistula siyang na-wow mali sa sinakyan niyang van.
Sa naturang video, nagmamadaling sumakay ng van si Angeline sa pag-aakala niyang kanya ito.
Dali dali naman siyang hinila ng kanyang mga assistant ngunit nagmatigas ito habang takang taka kung bakit siya pinabababa ng mga ito.
Ilang sandali pa, nagtanong na si Angeline kung ito nga ba ang kanyang sasakyan lalo’t itim din na van ang kanyang pinasok.
Lumalabas na hindi pala doon nakaparada ang van ni angeline at sa komedyante at host na si Vice Ganda ang naturang itim na van.
Humingi naman ng paumanhin si Angeline sa driver ng van at nagpost sa Instagram na ito na marahil ang kanyang pinakanakakahiyang karanasan sa kanyang buhay.
