Posibleng sundan ni Justice Secretary Vitaliano Aguirre ang yapak ng kaniyang hinalinhan na ang ngayo’y nakakulong na si Senadora Leila De Lima.
Ito’y makaraang ipahiwatig ni Aguirre ang kaniyang interes na tumakbo sa pagkasenador sa 2019 mid-term elections sa kabila ng mga kontrobersiyang kaniyang kinahaharap.
Ayon sa kalihim, bagama’t mas nais niyang pagtuunan muna ng pansin ang kaniyang tungkulin subalit hindi naman din niya isinasara ang kaniyang pintuan sa anumang posibilidad.
Kasunod nito, sinabi ni Aguirre na hindi siya tatanggi kung aalukin siya ni Pangulong Rodirgo Duterte na tumakbo sa ilalim ng administration party na PDP-Laban.
