Naitala ang record high na bilang ng mga Filipinong masaya at kuntento sa buhay nitong huling buwan ng taong 2017.
Batay ito sa isinagawang nationwide survey ng Social Weather Stations (SWS) mula Disyembre 8 hanggang 16 nang nakaraang taon.
Ayon sa survey, 94 porsyento ng mga Filipino ang nagsabing masaya sila habang 92 porsyento naman ang kuntento sa kanilang buhay.
Apat na porsyentong mataas ito kumpara noong Setyembre ng 2017 habang tatlong puntos na mataas sa dating record high na 92 porsyento noong Hunyo ng taong 1996.
Naitala naman ang may pinakamaraming masayang Filipino sa Mindanao na umabot sa 96 porsyento, sinundan ng Luzon na 95 porsyento, Visaya na 94 porsyento at Metro Manila na merong 90 prosyento.
Pinakamarami namang Filipino ang kuntento sa buhay sa bahagi ng Luzon, sinundan ng Metro Manila, Mindanao at Visayas.
—-
