Natimbog ang isang hinihinalang Indonesian Terrorist sa Palimbang, Sultan Kudarat.
Kinilala ang suspek na si Mushalah Somina Rasim alyas Abu Omar, 32 anyos mula sa Pangeran Antasari, Indonesia.
Ayon kay Police Regional Office-12 Director, Chief Supt. Marcelo Morales, narekober mula sa dayuhan ang isang ATM card at mahigit 250,000 Rupiah Bills.
Posible anyang nag-re-recruit ang suspek lalo’t mayroon silang natatanggap ulat na may mga taga-suporta ng grupong Ansar Khilafa Philippines ang nagrerecruit ng miyembro sa Palimbang at Maitum, Sarangani.
-Jonathan Andal
