Ipinag-utos na ni Justice Secretary Vitaliano Aguirre ang paglikha ng isang bagong panel of prosecutors na magrerepaso sa resolusyong nagbasura sa drug cases laban sa negosyanteng si Peter Lim, self-confessed drug lord Kerwin Espinosa at mahigit dalawampung (20) iba pa.
Ito’y sa kabila ng kaliwa’t kanang batikos na sinapit ng DOJ at Duterte administration partikular ang war on drugs.
Binubuo ang panel nina Senior Assistant State Prosecutor Juan Pedro Navera, Assistant State Prosecutor ana Noreen Devanadera at prosecuting attorney Herbert Calvin Abugan.
Magugunitang ibinasura ang kaso kahit pa umamin sa Senate hearing noong 2016 ang isa sa mga akusado na si Espinosa na kabilang siya sa mga supplier ng illegal drugs sa Visayas.
—-
