Iginiit ng malakanyang na ibinatay sa intelligence information ang pagkakasali ni United Nations Special Rapporteur Victoria Tauli – Corpuz sa ‘terrorist list’ ng Department of Justice.
Nakasaad sa petisyon ng DOJ sa Manila Regional Trial Court na si Tauli – Corpuz ay miyembro ng Communist Party of the Philippines – Ilocos – Cordillera Regional Committee.
Paliwanag ni Presidential Spokesman Harry Roque, maaari namang kwestyunin ni Tauli – Corpuz sa korte ang naka pending pang petisyon na nais ideklara ang CPP – NPA bilang isang teroristang grupo.
Giit ni Roque, isang sibilisadong bansa ang Pilipinas kaya karapatan nitong maipaliwanag at maipagtanggol ang kanyang sarili.