Kinumpirma ni Senador Grace Poe ang naunang pahayag ng PPCRV o Parish Pastoral Council for Responsible Voting na walang pulitikang pinag-usapan sa prayer service kagabi.
Ang PPCRV ang nag-organisa ng prayer service na dinaluhan nina Poe, Manila Archbishop Luis Cardinal Antonio Tagle, Vice President Jejomar Binay at Department of Interior and Local Government (DILG) Secretary Mar Roxas.
Sinabi ni Poe na nagbigay lamang ng payo si Cardinal Tagle hinggil sa pamumuno na anito’y isang serbisyo at hindi dapat kalimutan ng isang pinuno na ito ang dapat unang nakakadama nang pinagdaraanan ng mga mamamayan.
Ayon pa kay Poe, magaan ang naging pag-uusap nila ni Tagle na aniya’y very relaxed kayat hindi siya nag-aalala sa kaniyang mga sinabi rito gayundin ang paghingi niya ng basbas dito.
By Judith Larino
