Inaasahang mailalabas na ng DICT o Department of Information and Communications Technology ang kanilang Terms of Reference para sa ikatlong telco player sa Abril 9.
Ito ang inihayag ni DICT Secretary Eliseo Rio matapos nitong i-anunsyo na tinanggal na nila ang 10 Bilyong Pisong Capital requirement para sa nagnanais maging mamuhunan bilang telco player sa bansa.
Giit ni Rio, mas bibigyan aniya nila ng bigat ang bilis at maayos na serbisyo gayundin ang actual resource ng mga bidders kaysa sa halaga ng pamumuhunan ng mga ito.
Sakaling mailabas na ang Terms of Reference, sinabi ni Secretary Rio na maaari na nilang pormal na buksan ang bidding sa darating na Mayo 24 ng taong kasalukuyan.
RPE
