Nais ding usisain ni Pangulong Rodrigo Duterte ang magiging pagdinig ng Senate Committee on National Defense sa darating na Lunes, Pebrero 19.
Ito’y kaugnay sa usapin ng pagbili ng Frigate o mga barkong pandigma ng Philippine Navy kung saan ay nakaladkad ang pangalan ni Special Assistant to the President Cristopher Bong Go.
Ayon kay Presidential Spokesman Harry Roque, hindi aniya malayong subaybayan ng Pangulo ang magiging takbo ng pagdinig lalo’t itinuturong nakialam umano ang kaniyang kanang kamay sa naturang kontrata.
Labinlima’t kalahating Bilyong Piso ang halaga ng naturang kontrata na pinanghimasukan umano ni Go batay na rin sa inilathalang ulat ng online news site na Rappler, bagay na mariing itinanggi ng Pangulo.
Posted by: Robert Eugenio
