Mariing inihayag ni Agriculture Sec. Manny Piñol na sobra pa sa sobra ang suplay ng bigas sa buong bansa at wala ring paggalaw sa presyo nito sa merkado.
Ayon kay Pinol, hindi dapat na mangamba ang taumbayan hinggil sa mga naglabasang ulat na posibleng tumagal na lamang ng 35 days ang buffer stock ng National Food Authority o NFA.
Pahayag ng DA Secretary, sa katunayan nakapagtala ang bansa ng record-high na ani ng bigas noong nagdaang taon na umabot sa 19-million metric tons na sapat para sa 88 araw.
Hindi naman naiwasang masisi ni Piñol ang ilang media na mali ang interpretasyon sa mga pahayag tungkol sa bigas.
Bunsod nito, kampanteng si Piñol na aabot sa 3.1-million metric tons ang magiging produksyon ng bigas sa unang quarter ng taon.
Posted by: Robert Eugenio
