Suportado ng isang grupo ng mga recruitment agencies ang pagpapatupad ng deployment ban ng mga OFW o Overseas Filipino Workers sa Kuwait.
Ayon sa Philippine Association of Agencies for Kuwait o PHILAAK, bagamat ikinalulungkot nila ang naging desisyon ni Pangulong Rodrigo Duterte, sinasang-ayunan naman nila ang suspensyon sa pagpapadala ng mga OFW sa Kuwait at maging ang pag-repatriate sa mga distressed OFW’s sa Middle East.
Bumubuo na rin aniya sila ng polisiya at rekomendasyon para makatulong sa pamahalaan sa pagsagip sa mga inaabuso at biktima ng human trafficking na OFW’s.
Nakikipag-ugnayan na rin ang PHILAAK sa OWWA o Overseas Workers Welfare Administration hinggil sa ipatutupad na deployment ban.
Posted by: Robert Eugenio