Nagbanta si House Committee on Good Government and Public Accountability Chairman Johnny Pimentel na ipakukulong ang dating Pangulong Noynoy Aquino at dating Budget Secretary Florencio ‘Butch’ Abad.
Ito ay kapag hindi dumalo sa pagdinig ng komite sa usapin ng Dengvaxia.
Sinabi ni Pimentel na posibleng matulad sina Aquino at Abad sa sinapit ng Ilocos 6 kapag hindi nakipagtulungan sa kanilang imbestigasyon.
Kasabay nito, ipinabatid ni Pimentel na uubra na silang maglabas ng resulta ng kanilang imbestigasyon sa usapin ng Dengvaxia kapag natapos na ang pinakahuling pagdinig ng komite sa buwang ito.
—-
