Dalawa (2) katao ang patay habang mahigit dalawandaan (200) ang sugatan sa pagtama ng 6.4 magnitude na lindol.
Ayon sa ulat, nasa isandaan at limampu (150) katao ang ni-rescue mula sa mga hotel at residential buildings na bahagyang gumuho.
Kasalukuyang nagpapatuloy pa ang rescue operations ng mga awtoridad para sa mga posibleng natabunan pa ng mga guho.
Samantala, tinatayang nasa apatnapung libong (40,000) kabahayan naman ang nawalan ng suplay ng tubig habang isinara naman ang maraming kalsada at tulay.
Pinoys in Taiwan
Takot pa rin ang mga Pilipino sa Taiwan matapos ang magnitude 6.4 na lindol dito.
Kasunod na rin ito ng dalawang mahihinang aftershocks.
Tiniyak naman ng mga Pilipino ang higit pang pag-iingat matapos ang naturang lindol bagamat may alert warning kaugnay sa lindol sa mga tanggapang pinapasukan nila.
–Judith Larino
