Muling ipagpapatuloy ng Senate Committee on Public Information and Mass Media pagdinig nito ngayong araw kaugnay sa pagkalat ng mga “fake news”.
Subalit ipinabatid ni Senadora Grace Poe, Chairman ng komite na hindi makadadalo sa nasabing pagdinig si Presidential Communications Assistant Secretary Mocha Uson.
Sinasabing may ibang event na pupuntahan si Uson na naikasa na bago pa man matanggap ang imbitasyon ng Senado hinggil sa naturang pagdinig.
Pero sinabi ni Poe na tiyak na dadalo sa pagdinig sina Communications Secretary Martin Andanar at Asec. Marie Banaag para sa panig ng pamahalaan.
Gayundin ang mga mamamahayag na sina Rappler CEO Maria Ressa, PCIJ Executive Director Malou Mangahas at ang mga blogger na sina Jover Laurio, Ellen Tordesillas at iba pa.
