Kinilala ng University of Santo Tomas o UST si Presidential Communications Office o PCO Assistant Secretary Mocha Uson bilang isa sa mga katangi-tanging Thomasian.
Sa naganap na UST alumni homecoming kagabi, iginawad kay Uson ang Thomasian Alumni Award for Government Service.
Kasama rin sa mga pinaranglan ay sina Senador Joel Villanueva at Health Secretary Francisco Duque III.
LOOK: Here’s the full list of the recipients of the Thomasian Alumni in Government Service award. pic.twitter.com/Ny34ZLUhOw
— The Varsitarian (@varsitarianust) January 21, 2018
Sa pamamagitan ng kanyang Facebook page, nagpasalamat si Uson sa UST sa iginawad sa kanyang parangal at kanya umanong inaalay ang parangal sa kanyang ina at lahat ng ordinayong Pilipino.
Si Uson ay nagtapos ng kursong Medical Technology noong 1998 at pumasok sa UST Faculty of Medicine and Surgery ng dalawang taon bago nag-drop out para sa kanyang entertainment career.
‘UST student council’
Mariing kinondena ng University of Santo Tomas Central Student Council ang parangal na iginawad kay PCOO Assistant Secretary Mocha Uson.
Ayon sa UST-CSC, wala sa anumang paraan kinakatawan ni Uson ang mga ideya ng tunay na Thomasian. Hindi anila karapat-dapat si Uson sa naturang parangal dahil ito ay laan lamang sa mga outstanding alumni ng paaralan.
Tinukoy pa ng student council na si Uson ang nangunguna sa mga ginagawang propaganda ng gobyerno laban sa mga kumukontra dito. Siya rin anila ang siyang pangunahing pinagmumulan at nagpapakalat ng fake news.
Kasabay nito, hinimok ng UST-CSC ang buong Thomasian community na labanan ang bantang pagsikil sa press freedom.
‘Uson does not, in any way, embody the ideals of a real Thomasian’: UST student council https://t.co/WXrO7l43oi pic.twitter.com/MZ6SfEHAxH — The Varsitarian (@varsitarianust) January 21, 2018
Kinuwestyon naman ng maraming netizens ang award na tinanggap ni Uson.
Agad na nag-trending ang larawan ni Uson habang tinatanggap pagkilala na umabot na sa halos dalawang libong (2,000) shares.
Dismayado ang marami sa pagbibigay ng award kay Uson habang ang ilan naman ang nagsabing naniniwalang karapat-dapat ang opisyal.
Agad naman dumipensa ang pamunuan ng University of Santo Tomas Alumni Association Incorporated sa isyu.
Ayon kay President Henry Tenedero, tanging criteria ng naturang award ay dapat na alumni ang UST ang recipient at isang government employee na pareho namang meron si Uson.
Paliwanag ni Tenedero, ang naturang parangal ay paghikayat sa mga awardee na isabuhay ang Thomasian core values sa ginagawa nitong pagseserbisyo publiko.
#ICYMI: Henry Tenedero, president of the UST Alumni Association, said the Thomasian Alumni in Government Service Award which was given to Mocha Uson did not follow any specific criteria.
READ: https://t.co/WXrO7l43oi pic.twitter.com/tODtDRD9Em
— The Varsitarian (@varsitarianust) January 21, 2018
—-
