Ipinatupad ngayon ng Philippine National Police o PNP ang full alert status sa lalawigan ng Cebu dahil sa posibilidad na pagbisita doon ni Pangulong Duterte.
Ayon sa PNP, wala naman silang namomonitor na security threat ngunit nais lamang nilang matiyak ang kaligtasan ng Pangulo at maging ng libo-libong tao na makikiisa sa Senyor Sto. Niño Festival.
Ipatutupad rin ng PNP ang mobile signal shutdown kasabay ng Sinulog Festival ngayong araw.
Matatandaang kahapon, sinimulan na ng pulisya ang pag-shutdown ng mobile signal kasabay ng isinagawang prosisyon.
