Mas maraming implementasyon ng mga programa at proyekto ang tututukan ng administrasyong Duterte ngayong taon.
Ayon kay Presidential Communications Secretary Martin Andanar, sa simula pa lamang ay nakalatag na ang plano ng administrasyon para sa bansa sa ilalim ng termino ni Pangulong Rodrigo Duterte.
Ito’y dahil alam ng gobyerno kung saan dadalhin ni Pangulong Duterte ang sambayanan.
Marami aniyang proyekto ang ipatutupad ng administrasyon sa ilalim ng Build, Build, Build Program bilang bahagi ng pagtupad ng Pangulo sa kanyang mga ipinangako noong panahon ng kampanya.
Tiniyak din ni Andanar na hindi pinababayaan ng pamahalaan ang isyu ng peace and order kabilang na ang negosasyon sa mga grupo tulad ng Moro Islamic at National Liberation Front.
