Itinanggi ng Philippine Embassy sa Tel Aviv, Israel na sangkot sila sa malaswa umanong Christmas party na inorganisa ng Filipino community.
Ayon kay Philippine Ambassador Nathaniel Imperial, dapat matigil na ang pagpapakalat ng mga maling balita na mayroong masamang epekto sa imahe ng mga Filipina sa Israel.
Isinagawa ang party sa embahada na matatagpuan sa Haifa kung saan ilang male erotic dancer ang nag-perform.
Bagaman dumalo aniya ang mga kinatawan ng embahada, hindi naman nila alam na bahagi ng programa ang umano’y bastos na performance.
Aniya, sa katunayan, nang magsimula ito ay nakaalis na ang mga embassy official.
Pinagpapaliwanag na ng embahada ang mga organizer ng malaswa umanong Christmas party.
Magugunitang binatikos ng mga netizen ang mga kumalat na larawan sa social media na nagpapakita na isang lalaking walang pang-itaas ang sumasayaw sa harap ng isang Filipina.
