Tataas pa sa 90,000 Pesos ang Tax Exemption Cap ng 13th month pay at iba pang bonuses, epektibo sa susunod na taon.
Alinsunod ito sa napagkasunduan ng mga miyembro ng bicameral conference committee sa Tax Reform for Acceleration and Inclusion o TRAIN Bill.
Ang bagong tax-exempt ceiling ay compromise deal sa pagitan ng 82,000 Peso tax-free cap retention ng Senado at 100,000 Peso ceiling increase ng Kamara.
Ayon kay Senador Sonny Angara, kung susumahin ay aabot na sa 340,000 na kita kada taon ang hindi na maaaring galawin ng gobyerno o patawan ng buwis at buong-buo na itong maiuuwi ng mga taxpayer.
Sa ilalim ng batas, ang 13th month pay at iba pang benepisyo ay exempted sa tax kung hindi lalampas sa 82,000 pesos.
Inaprubahan din ng kumite ang panukalang i-exempt ang 250,000 annual taxable income ng lahat ng individual income taxpayers sa ilalim ng TRAIN bill.
