Isasailalim sa monitoring at profiling ng Department of Health ang mga batang binakunahan ng Dengvaxia.
Ayon kay Health Secretary Francisco Duque the Third, gagawa sila ng history-taking, tututok sa immunization, gagawan ng mandatory reporting ng lahat ng hospitalized cases anuman ang mga naging sintomas.
Isa rin anyang opsyon ang pagbawi ng ibinayad na 3 Billion Pesos kung mapatunayan na may itinagong mahalagang impormasyon ang anti-Dengue vaccine manufacturer na Sanofi Pasteur.
Magugunitang inihayag Sanofi na nasa grade 1 at 2 ang lagnat, sakit ng kasukasuan, pasa, at bleeding ang severe Dengue na nakita sa kanilang pag-aaral at walang nakitang grade 4 o Dengue shock pero iginiit ng D.O.H. na wala naman silang binanggit na sintomas ng grade 4 ng severe dengue.
Dagdag pa ni Duque, ang mga batang inoobserbahan ng Sanofi ay nasa controlled environment subalit paano aniya ang mga batang nasa malalayong lugar.
Samantala, nilinaw ng World Health Organization na hindi nila inirekomenda ang ‘Dengvaxia’ habang suportado rin nila ang desisyon ng DOH na itigil pansamantala ang pagbabakuna.
