Naniniwala si Presidential Spokesman Harry Roque na hindi pa napapanahon upang sibakin sa puwesto si Transportation Secretary Arthur Tugade sa kabila ng sunod – sunod na kapalpakan sa MRT – 3.
Ito ang tugon ni Roque sa hirit ng dalawang Kongresista na dapat nang patalsikin sa pUwesto ang kalihim.
Hangga’t mayroon pa aniyang tiwala si Pangulong Rodrigo Duterte kay Tugade ay mananatili ito sa kanyang posisyon lalo’t nagpahayag ang Punong Ehekutibo na suportado nito ang repormang ipinatutupad ng kalihim sa Department of Transportation o DOTr.
Gayunman, tiniyak ni Roque na magmamasid at mag – o – obserba ang Palasyo sa mga ginagawang hakbang ng kalihim sa pinamumunuan nitong ahensya.
