Tumaas ang presyo ng ilang noche buena items, anim na linggo bago mag-Pasko.
Ayon kay Department of Trade and Industry o DTI Assistant Director Lilian Salonga, ang presyo ng hamon ay tumaas mula P5 hanggang P11.
Depende naman sa kung anong brand ang pagtataas ng presyo ng quezo de bola na naglalaro sa P10 hanggang P14.
Ramdam din ang bahagyang pagtataas ng presyo ng fruit cocktail.
Asahan naman na walang paggalaw ng presyo sa pasta, cream milk at kondensada.
Itinuturong dahilan ng pagtataas ng presyo ng mga manufacturer ang pagtataas ng presyo ng skim milk, tin can, label at paghina ng piso.
Nagpalabas na rin ng suggested retail price ang DTI para sa noche buena items.
—-
