Nasamsam ang halos kalahating milyong pisong halaga ng shabu sa isang drug den sa Barangay Semirario sa Jaro, Iloilo City.
Ayon kay Philippine Drug Enforcement Agency o PDEA Region 6 Spokesperson David Garcia, matagal na nilang binabantayan ang nasabing drug den at nabatid na “on and off” ang operasyon nito.
Naaresto naman ang mag live – in partner na nakilalang sina Maribel Sullano Hulleza at Vulmar Sullano Taub na nagsilbi bilang caretaker ng naturang drug den.
Napag – alaman din ng PDEA na maliban sa cash, tumatanggap din ng baril ang mag live – in partner bilang kapalit ng droga.
Nahaharap naman ang dalawa at iba pa nitong mga kasamahan sa kasong paglabag sa Republic Act 9165 o Comprehensive Dangerous Drugs Act.
