Tiniyak ni Philippine National Police o PNP Chief Ronald ‘Bato’ Dela Rosa na handa ang PNP na bumalik sa war on drugs sakaling ipatawag silang muli ng Pangulong Rodrigo Duterte.
Ito’y matapos sabihin ng Pangulo na posible niyang pabalikin ang PNP sa giyera kontra droga kung lolobo ang bilang ng krimen sa bansa.
Ayon kay Dela Rosa, naghihintay lang sila sa utos ng Pangulo.
Lalo pa aniya ngayon na balik-lansangan na muli ang mga drug pusher sa Quezon City.
Kung matatandaan nitong oktubre ibinigay ng Pangulong Duterte sa Philippine Drug Enforcement Agency o PDEA ang eksklusibong kapangyarihan sa war on drugs at tiniyak na hindi niya pakikialaman ang trabaho ng nasabing ahensya.
—-
