Patay ang apat na katao habang sugatan naman ang walo matapos araruhin ng 10-wheeler truck ang dalawang tricycle sa Tanauan City, Batangas kaninang umaga.
Ayon kay Superintendent Rene Mercado, kasama sa mga nasawi ang isang pulis na kinilalang si PO3 Markeses Valentino na nakatalaga sa Camp Vicente Lim.
Habang kinilala naman ang tatlong iba na sina Marbel Itorable, Nanette Aton at Raymond Llanado.
Batay sa report, binabagtas ng trak ang pababang kalsada sa Barangay Natatas nang mawalan ng kontrol ang drayber na kinilalang si Richard Lozano at tuluyang sumalpok sa dalawang tricycle.
Kasalakuyan namang ginagamot ang walong nasugatan sa CP Reyes Hospital at Mercado Hospital.
Iniimbestigahan na ng mga pulis ang suspek na posibleng maharap sa kasong Reckless Imprudence Resulting to Multiple Homicide; Multiple Physical Injury; at Damage to Property.
