Nagluluksa ngayon ang Hollywood actor na si Morgan Freeman matapos mapaslang ang kanyang apo.
Sa inilabas na pahayag ng batikang Hollywood actor, naghihinayang siya na hindi na makikita ng mundo at maibabahagi pa ang mga itinatagong talento ni Edena Hines.
Si Edena ang apo ng unang asawa ni Freeman.
Natagpuang patay at tadtad ng saksak sa katawan si Edena, sa isang eskenita sa Manhattan New York noong Linggo ng madaling araw.
Isinugod pa ito sa hospital pero ideneklara nang dead on arrival.
Samantala, isang 33-taong gulang na lalaki na pinaghihinalaang suspek sa krimen ang nasa kustodiya ngayon ng pulisya habang patuloy ang imbestigasyon sa insidente.
By Krista de Dios
Photo grabbed from: CNN.com
