Nakatakda ring dumalo sa ASEAN Summit na gaganapin sa bansa si Canadian Prime Minister Justin Trudeau.
Sa isang press statement, sinabi ng gobyerno ng Canada na makikiisa si Trudeau sa Canada-ASEAN Commemorative Summit upang alamin ang kalagayan ng relasyon ng kanilang bansa sa sampung bansang kasapi ng ASEAN.
Maliban dito, sinabi ni Trudeau na nais niya mapabilang ang lahat ng sektor, mapa-kababaihan, mga kabataan at mga katutubo sa mga oportunidad na hatid ng global economy.
Bago magtungo sa Maynila sa November 13 ay dadalo muna si Trudeau sa Asia Pacific Economic Cooperation o APEC Leaders’ Meeting sa Da Nang, Vietnam.
Photo Courtesy: Raoul Esperas (Patrol 45)
