Kinumpirma mismo ni Pangulong Rodrigo Duterte na napatay na ng militar ang Malaysian terrorist at financier ng Maute terror group na si Dr. Mahmud Ahmad.
Sa kaniyang talumpati sa harap ng mga negosyante kahapon, inanunsyo ng Pangulo na nakuha na ng militar ang katawan ni Ahmad kahapon ng hapon.
Magugunitang iniulat ni Armed Forces of the Philippines o AFP Chief of Staff General Eduardo Año na 20 ang napatay ng militar sa panibagong operasyon nito kontra Maute group sa Marawi City.
Gayunman, ang tanging hawak na impormasyon ni Año ay ang salaysay ng mga nailigtas na bihag ngunit hindi pa nakukuha ng militar ang katawan nito.
—-
