Arestado ang isang babae sa Calamba City, Laguna matapos nitong gawing pambayad para sa kaniyang biniling pagkain ang iligal na droga.
Batay sa ulat ng Calamba Police, tumangging ibigay 22 anyos ang kaniyang pangalan ngunit mula umano siya sa San Pablo City, Laguna at pinaniniwalaan din na mahigit dalawang buwang buntis.
Ayon kay Calamba Police Chief Supt. SANCHO Celedio, bumili umano ng pagkain na nagkakahalaga ng 100 Piso sa isang karinderya sa Barangay Banlic ang naturang babae at sa halip na pera ang iabot ay isang pakete ng shabu ang ipinambayad nito.
Agad namang ipinagbigay alam ito ng may ari ng karinderya sa mga opisyal ng kanilang barangay at itinurn over sa mga pulis.
