Muling tiniyak ng Land Transportation Franchising and Regulatory Board o LTFRB na purong gawang Pilipino ang mga makabagong jeepney sa ilalim ng modernization program.
Ayon kay Atty. Aileen Lizada, 9 bilyong piso ang nakalaan sa proyektong ito mula sa pamahalaan.
Mabubuhay aniya sa proyektong ito ang mga medyo namahinga na sa larangan ng paggawa ng mga sasakyan tulad ng Sarao na siyang orihinal na gumawa ng jeepney at iba pa.
“Lahat ng mga jeepney na ito ay gagawin sa Pilipinas, gawa ng Pilipino para sa Pilipino, binubuhay natin ang manufacturing industry dito sa bansa, at meron pong nakalaang pondo if I’m not mistaken, 9 billion for manufacturing incentive, ang ibig sabihin po nito lower manufacturing cost, lower selling price sa mga jeepney na ito.” Ani Lizada
Una nang iginiit George San Mateo, National President ng PISTON na pawang imported ang materyales para sa bagong mukha ng jeepney at dito na lang sa Pilipinas inasembol.
“Ang isyu tala dito ay yung mahal eh, kasi imported, hindi totoo ang sinasabi ng DOTr na locally manufactured? Hindi po totoo, imported lahat yan dito lang inassemble.” Pahayag ni San Mateo
—-
