Plano ng lokal na pamahalaan ng Lanao Del Sur na maglagay ng ruins memorial kapag natapos na ang krisis sa Marawi City.
Ayon sa tagapagsalita ng Lanao Del Sur Provincial Crisis Committee na si Assemblyman Zia Alonto Adiong, pipili sila ng isang istraktura sa Marawi City na nasira sa bakbakan at pananatilihin ang sirang itsura nito.
Ani Adiong, ang nasabing ruins memorial ay magsisilbing paalala sa masakit na bahagi ng kasaysayan ng Marawi City.
Bukod dito, sinabi pa ni Adiong na maglalagay din sila ng peace park malapit sa Lanao Lake kung saan ipakikita ang mga pangalan ng mga nasawing sundalo at sibilyan sa bakbakan.
