Nanindigan si Pangulong Rodrigo Duterte na kanyang sisipain sa pwesto ang mga Local Government Official sa Marawi City dahil sa nagpapatuloy na bakbakan.
Ayon kay Pangulong Duterte, nahihirapan ang militar sa pakikipag-sagupaan sa Maute-ISIS sa Marawi dahil pamilyar ang mga terorista sa “terrain” ng lungsod.
Isinisisi ng Pangulo sa mga naturang opisyal ang pagtagal ng bakbakan lalo’t wala namang nakapagsabi na mayroong mga tunnel sa Marawi na pinagtataguan ng mga bandido.
