Mawawalan ng suplay ng tubig ang ilang mga barangay sa mga lungsod ng Las Piñas, Parañaque at Pasay simula mamayang gabi.
Sa abiso ng Maynilad, labingdalawang (12) oras na makararanas ng water service interruption ang mga barangay sa mga nasabing lungsod simula 9:00 mamayang gabi hanggang 9:00 ng umaga bukas dahil sa kanilang isasagawang pipe network upgrade.
Kabilang sa mga maaapektuhan ay ang mga Barangay Elias Aldana, Ilaya, BF International Village, CAA, Manuyo Uno at Dos sa Las Piñas.
Gayundin ang mga Barangay BF Homes, La Huerta, Moonwalk, San Dionisio, San Isidro at Santo Niño naman sa Parañaque habang Barangay Vitalez, 183 at 192 hanggang 199 sa Pasay City.
Samantala, mawawala din ng suplay ng tubig ang Barangay 162 sa Quezon City mula 10:00 mamayang gabi hanggang 4:00 bukas ng umaga.
