Tumangging mag komento si Supreme Court Chief Justice Maria Lourdes Sereno sa hamon ng Pangulong Rodrigo Duterte na mag-resign sila kasama si Ombudsman Conchita Carpio-Morales.
Sinabi ni Atty. Carlo Cruz, spokesman ni Sereno na nag-desisyon silang huwag nang magpalabas ng anumang official statement hinggil sa usapin.
Sa halip, binigyang diin ni Cruz na mas pinagtutuunan nila ng pansin ang impeachment complaint laban sa punong mahistrado na nakalatag sa House Committee on Justice.
Ginawa ni Pangulong Duterte ang pahayag kasabay ng pagtatalaga ng mga bagong opisyal ng IBP o Integrated Bar of the Philippines sa Davao City.
