Nananatili umanong solido ang suporta ng 16 na senador na miyembro ng mayorya sa liderato ni Senate President Koko Pimentel.
Ito ang tiniyak ng mayorya ng mga Senador sa gitna ng banta ni Senator Antonio Trillanes na isusulong nito ang pagpapatalsik kay Pimentel kung hindi tinanggal si Senador Richard Gordon bilang Chairman ng Blue Ribbon Committee.
Ayon kay Majority Senator Panfilo Lacson, malabong makakuha ng kinakailangang 13 boto ang sinumang magbabalak na mapagtalsik kay Pimentel.
Sinabi naman ni Gordon na maayos na ginagampanan ni Pimentel ang tungkulin nito partikular ang pagsisikap na maging patas sa lahat.
Samantala, kinuwestyun ni Gordon ang banta ni Trillianes na isusulong ang pagpapatalsik kay Pimentel sa oras na hindi siya palitan bilang Blue Ribbon Committee Chairman at iginiit na napaka-unfair anya ng kapwa mambabatas sa kanyang mga kasama dahil tuwing sumalungat sa kanya ay minamasama nito.
