Nagpahayag ng pangamba ang South Korea na maging mapang-hamon na naman ang North Korea sa pagpasok ng Oktubre.
Ayon kay South Korea National Security Adviser Chung Eui-Yong, Oktubre ang anibersaryo ng Communist Party ng North Korea at Communist Party Congress ng China.
Inaasahan aniya ang mga provocative actions ng North Korea sa pagitan ng October 10 at 18 subalit tumanggi naman itong magbigay ng detalye.
Naging tensyonado ang Korean Peninsula nitong mga nakaraang buwan sanhi ng sunod-sunod na nuclear test ng North Korea at mga pagbabanta mula naman sa Estados Unidos.
—-
