Hindi sang-ayon ang mga magulang ni hazing victim Horacio “Atio” Catillo III na gawing state witness ang isa sa pangunahing suspek sa pagkamatay ng kanilang anak.
Kasunod ito ng pagsuko ni John Paul Solano, ang nagdala kay Horacio sa Chinese General Hospital at isa sa itinuturing na pangunahing suspek sa kaso.
Ayon sa mga magulang ni Horacio, kanilang itinuturing na welcome development ang pagsuko ni Solano dahil may makapagbibigay na ng linaw sa pangyayari.
Gayunman, tutol sila na gawing state witness ito.
Kasabay nito, umapela rin si Horacio Jr., sa mga magulang ng iba pang miyembro ng Aegis Juris na sangkot sa kaso na ilantad ang kanilang mga anak.
—-
