Nagkasa pa ng mas matinding pressure ang Amerika laban sa North Korea.
Ginamit ni US President Donald Trump ang salitang destroyed na sasapitin ng NoKor kapag patuloy itong nagmamatigas na tuldukan ang anito’y reckless nuclear at ballistic missile drive.
Sa gitna na rin nang pagsasanib-puwersa ng Amerika at mga kaalyado laban sa Pyongyang si Trump ay nakatakdang magsalita sa UN General Assembly at makikipag-usap sa mga counterpart sa Japan at South Korea para matigil na ang NoKor sa anila’y kalokohan nito.
Magugunitang nagpatupad ng bagong sanctions ang security council laban sa NoKor subalit naka-depende umano sa China na kaalyado ng Pyongyang at main economic partner nito kung ipatutupad ang sanctions gayundin sa Russia kung saan nagtatrabaho ang libu-libong North Koreans.
—-
