Pumalo na sa mahigit isandaan (100) ang bilang ng mga nagsisukong miyembro ng Abu Sayyaf makaraang lumutang at sumuko ang isa pang miyembro nito sa Basilan.
Kinilala ni Senior Inspector Mujahid Asmawil, hepe ng Tipo-Tipo Municipal Police Station ang sumukong bandido na si Adzmin Sabala alyas Ogong.
Personal na sumuko aniya si Ogong sa pulisya at kay Tipo-Tipo Mayor Arcam Patarasa Istarul at isinuko nito ang mga hawak niyang matataas na kalibre ng armas.
Agad isinailalim sa kostudiya ng 18th Infantry Battalion ng Philippine Army si Sabala matapos ang isinagawang interogasyon at documentation sa kaniya.
—-
