Halos isang daang mga Pilipino sa British Virgin Islands ang nakatakdang i-repatriate o pauwin ng Pilipinas kasunod ng pananalasa ng Hurricane Irma.
Ayon kay chargé d’affaires Patrick Chuasoto ng embahada ng Pilipinas sa Washington, naitaboy ng bagyo mula sa kanilang mga kabahayan ang mga Pilipinong humiling na makauwi ng Pilipinas dahil sa kakulangan ng gamot at iba pa nilang pangangailangan.
Tiniyak ni Chuasoto na sasagipin nila sa lalong madaling panahon ang mga Pilipinong nagpapasaklolo sa British Virgin Islands.
Lalo pa’t may isa pang bagyo na may pangalang Hurricane Jose na isang category 4 storm ang siyang nagbabantang tumbukin ang nasabing mga isla.
